BALITA Espesyal– Sangka K-pop fan sa Brazil ro naka-eowas sa hana nga pagpanakaw sa bulig it litrato it BTS member nga si Jin nga nakasuksok it military uniform!
Ko July 18 it gabi, nagahueat sa sangka bus stop sa Curitiba ro 21 anyos nga college student nga si Natali Vitoria Ramos Reis kat habniton ro anang cell phone.
Kat nakita it snatcher ro litrato sa likod it anang cell phone, binalikan imaw kara ag may kahadlok nga ginbalik kana ro cell phone.
Ro litrato nga nakadukot sa likod it cell phone ni Natali hay photocard it BTS member nga si Kim Seok Jin ukon mas kilaea sa tawag nga Jin.
Sa litrato hay nakasuksok ro K-pop star it military uniform bangud nga presente raya nga nagapaidaeum sa mandatory military service it anang nasyon.
May pagduda si Natali nga ginbalik ro anang cell phone bangud sa kahadlok it snatcher ag gin-eaum nga boyfriend nana si Jin ag raya hay sangka soldado.
Naging viral ro istorya ni Natali ag ginbalita raya sa mga news website sa South Korea.
Ginkalipay man raya it mga Korean netizens ag ginhambae nga maskin sa military service si Jin hay nakatau raya it bulig sa anang tagahanga nga idtu sa Brazil.
