Nagpanawagan si Kabataan Party-list Rep. Raoul Manuel sa Senado nga baeabagan ro Maharlika Investment Fund (MIF) bill.
Raya hay matapos nga maka-eusot eon sa third ag final reading it Manabang Kapueungan ro nasambit nga proposisyon nga nagatuyo nga makatipon it bilyong piso halin sa nagkaeain-eain nga banko it gobyerno ag iba pang government financial institutions ag ibutang bilang pondo nga pagagamiton it Marcos administration nga kapital sa nagkaeain-eain nga investments ag assets.
Suno kay Cong. manuel nga ro pondo hay posibleng igabutang sa mga nagapangunang programa kapareho it imprastraktura nga vulnerable sa corruption.
Nagakabaeaka sigon sanda sa madasig nga pagka-apruba kara maskin nga ro nasyon hay bukon pa it haum para sa nasambit nga pondo kamana man nga owa raya it nagakaigo nga safeguards kontra sa saea nga paggamit.
Ginpahayag dugang nga bukon it bastante ro tiempo agud nga aprubahan ro proposisyon eabi pa ag maabung mga tawo ag sektor ro nagpahayag it pag-oponer sa maabu kara nga probisyon.
Madumduman nga 6 nga ka kongresista eamang ro nagpamaeabag sa MIF bill, kun sa siin 279 ro nagpabor sa final reading maskin nga owa pa it tatlong domingo kat ro hagna hay gindihon sa kongreso.
