Nakumpleto eon ro kapin sa 110,620 nga mga Automated Counting Machines (ACMs) sa COMELEC Warehouse sa Biñan, Laguna.
Kapin sa 9,860 Automated Counting Machines ro na-deliver para sa ulihing batch.
Ginpangunahan ni COMELEC Chairman George Erwin Garcia ag Miru Systems Vice President Mr. Ken Cho ro nasambit nga turnover it mga machines.
Suno kay COMELEC Chairman George Erwin Garcia, ginpatigayon ro Hardware Acceptance Test (HAT) sa mga machines para makit-an eagi kon anuman ro problema pag-abot sa mismong makina ukon feature it Automated Counting Machine, nga kinahang-ean iresolba.
Raya man sigon ro manami sa mas tempranong pag-kumpleto sa mga nasambit nga machines, mas nauusisa it komisyon.
Ginpasiguro it komisyon nga target matapos ro tanan nga testing antes matapos ro buean it Disyembre.
Ro Miru Systems hay ro service provider para sa Eleksyon 2025.
