Nag-abot sa P48 milyon ro gin-gastos it Office of the Vice President (OVP) para sa renta it mga safe house sa sueod it 130 diyas, samtang P40 milyon mat-a ro gintaeana sa incentives ag travel expenses halin Disyembre 2022 hasta Setyembre 2023, base sa mga dokumentong ginsumite sa Commission on Audit (COA).
Nag-guwa ro mga gaeastuson ngara sa impeachment trial ni Vice President Sara Duterte, kun siin ginkumpira ni OVP Assistant Secretary Lemuel Ortonio ro mga haega.
Ginsambit man ro ang P122 milyong confidential funds para sigon sa pagkon aag bueong it mga informant ag ro P500 milyon nga ginpanao sa OVP security officer para sa mga informant ag agent.
Sa pagpamati, ginhambae man nga pilang transaksiyon hay ginsuportahan eamang it acknowledgment receipts ag uwa it official receipts ukon disbursement vouchers.
Ginkumpirma man ni Ortonio nga imaw ro nag-sabat sa pilang COA audit queries, maskin uwa sigon imaw it personal nga kasayuran sa aktuwal nga paggamit it confidential funds.
