Naglunsar ro Philippine Coast Guard (PCG) ag Bureau of Fisheries and Aquatic Resources (BFAR) it sangka ‘Kadiwa’ program para sa mga Pilipinong mangingisda sa West Philippine Sea (WPS).
Gintawag ro bag-ong inisyatibo bilang “Kadiwa ng Bagong Bayaning Mangingisda (KBBM) Program”.
Tuyo it programa nga mas maengganyo ro mas maabo pang mga Pilipino nga mangingisda sa West Philippine Sea partikular eon sa may Panatag ukon Scarborough Shoal sa pihak it pangharass it mga barko it China.
Kamana man, tuyo pa it PCG ag BFAR nga mapabaskog pa ro presensiya it mga Pilipino sa mga kaeawran sa western seaboard it aton nga nasyon.
Target it nasambit nga programa nga mapamayad pa ro pangabuhian it mga mangingisdang Pilipino samtang ginapaabo ro suplay it isda sa aton nga nasyon ag maitib-ong ro aktibong mga aktibidad it pagpangisda sa West Philippine Sea.
amtang, gindeploy man ro barko it PCG nga BRP Gabriela Silang ag sambilog sa mga eroplano kara para magtao it suporta ag mag-obserba sa nasambit nga aktibidad.
