Kagawad nga may sakit sa kidney, nagbaril sa sentido

KALIBO, Aklan — Bangod sa sakit sa kidney, nagbaril sa tuo nga sentido ro sangka kagawad sa Barangay Aranas, Balete, Aklan.

Ginkilaea ro biktima nga si Joselito Sison Nicolas, 52, residente it nasambit nga lugar.

Base sa report itBalete Police Station, natukiban ro bangkay it biktima makataliwan nga makabati it eupok it baril ro anang misis sa sueod it andang kwarto.

Ginapahayag nga kakaguwa eamang it biktima sa ospital bangod sa sakit nga diabetes nga haeos napueong dag-on na eon nga ginabatyag.

Nag-angkon eon man sigon raya it kidney disorder ag kinahang-ean eon nga sumaidaeom sa sa dialysis treatment.

Ginapatihan it anang pamilya nga na-depress ropadre de pamilya rason nga nagpakamatay.