Kalibo public market supervisor, nagpaandam sa mga negosyante nga ayuson ro andang kilohan

KALIBO, Aklan—Uman nga nagpaandam ro market supervisor Abel Policarpio  sa mga negosyante sa Kalibo public market nga ayuson ro andang mga kilohan.

Suno kana nga sigidas ro andang pag-usisa sa tanan nga mga kilohan sa nasambit nga tindahan kun sa siin, ginamultahan ro mga napamatud-an nga nagadaya.

Raya hay kasunod man it mga reklamo nga andang nababaton.

Ginpahayag dugang nga dapat hay ensakto ro mga timbangan ag bukon it madaya  bangud nga ensakto man ro ginabayad it mga bumaeakae.

Gin-insister pa kara  sa mga stall owners nga makipagbueuligan kanda ag pirmeng magsunod sa market rules and regulations.

Samtang,  gin-engganyo man nana ro mga konsumidor nga magdangop sa andang taeatapan kon may mataeupangdan nga kilohan nga depektibo.