KALIBO, Aklan–Naghimo it sangka resolution si Kalibo Sangguniang Bayan member Augusto agud nga maeakip ro mga job order ag casual employee it lokal nga gobyerno sa Social Security System (SSS) ag Government Service Insurance System (GSIS).
Tuyo kara nga makaangkon it nagkaeain-eain nga benepisyo ro mga natungdan nga indibidwal kung sanda hay maga-retiro eon sa serbisyo.
Ginakaeakipan raya it sickness, retirement, death benefit ag iba pa.
Nakabaehag man sigon sa sueondanan it SSS kung pila ro counterpart ukon pagabayaran it LGU sa bueanan nga hueog it kada miyembro.
Ginklaro man kara nga pwede gihapon nga ipadayun it mga job order ag casual employee ro andang paghueog sa SSS ag GSIS maskin nga maghalin eon sanda sa LGU ukon maka-usoy it ibang trabaho.
