-- ADVERTISEMENT --
KALIBO, Aklan–Ginklaro it pamunuan it Transport and Traffic Management Unit (TTMU) it lokal nga gobyerno it Kalibo nga nagapabilin nga normal ro andang operasyon.
Ginpahayag ni TTMU Head Vivian Briones nga owa it anuman nga pagbag-o sa andang opisina kabaslikaran sa mga nagaguwa nga istorya nga owa eon it mga miyembro it Kalibo Auxiliary Police (KAP) nga nagabantay sa mga daeanon matapos ro May 9 elections.
Suno kay Briones, tayuyon ro pagtrabaho it mga KAP member ag presente sanda nga nakaposte sa andang natungdan nga mga lugar.
Samtang, nag-apela man raya sa mga motorista nga magsunod sa traffic rules and regulations para maging maayos ro daeagan it mga karsadahon.
