Ginrekomenda it House of Representatives ro pagpasaka it kaso kontra kay Vice President Sara Duterte ag iba pa bangud sigon sa technical malversation, perjury, bribery ag plunder.
May kaangtan ro kaso sa bukon tamang paggamit it confidential funds sa Office of the Vice President ag sa Department of Education.Sa ginhiwat nga plenary session kahapon, adlaw it Martes hay ginpatibay it manabang kapueungan ro committee report it House Committee on Good Government and Public Accountability nga mismong nagpatigayon it pagpamati it kaso.
Base sa committee report nga andang napamatud-an sa committee hearings nga nagkamal imaw it una sa P50 milyon nga public fund samtang ro confidential funds hay uwa nagamit it tama nga nagakahaega it P612.5 milyon.
Dugang man ni Committee Chairperson Rep. Joel Chua nga si Duterte eamang ro unang bise president nga humirit it eubos nga confidential fund kun siin masobra eon sa P125 milyon ro nagastos sa sueod it 11 adlaw.
Madumdumang una eon nga ginpamalibaran it Bise Presidente ro mga alegasyon nga ginahaboy kana.
