Nagahalin sa angkit ukon kaeos it sapat kapareho it ayam, kuring ukon iba pa ro rabies nga sangka viral disease nga mahimo mabueo sa eaway ukon body fluids it infected kara ag mahimo nga raya hay mangin fatal.
Raya hay sangka zoonotic nga masakit nga maipasa eamang halin sa sapat paadto sa tawo.
Pahayag ni Dr. Philip Ian Prieto Padilla sangka professor of microbiology nga ro tawo nga infected it rabies hay mahimo makabatyag it eagnat, sakit it ueo, hallucination, nausea, hydrophobia ag maabong iba pa.
Ingkaso suno kana nga maangkit kinahangean hay hugasan it mayad ro bahin nga inangkitan, limpyuhan ag butangan it alcohol ukon iodine ag mag-adto sa doktor.
Suno man kana nga uwa it epekto ro ibang alternatibo nga bueong kundi ro mga first aids kapareho eamang it alcohol ag iodine.
Padumdom it eksperto nga nagakadapat nga may bakuna ro mga alaga nga sapat kontra sa nasambitan nga masakit.
Paathag pa nana nga mahimo mag-abot it dominggo hasta binuean ro incubation period it masakit depende sa kaabuon it virus ag kun ano nga bahin it eawas ro haangkit.
Raya hay una sa worst case scenario kun makaabot sa utok ag mangin, hydrophobia, paralisado ro tawo ukon mabutang sa comatose.
Sa makaron may una nga 300-35 ro animal bite cases para sa 2023 ag sobra 200 rabies cases sa pre-pandemic.
Dugang pa it doktor nga likawan eun lang ro pagkaon it dog meat bangud raya hay unsanitary ag uwa nakarehistro sa Department of Agriculture.
