Nagpangaman manlang ro pamilya Marcos sa naging paeag dati ni Vice President Sara Duterte sa andang mga kabuhi.
Raya hay kasunod sa warrant of arrest nga ginpaguwa it Quezon City Regional Trial Court kontra sa bise presidente angot sa ginapangatubang nana nga kasong grave threats.
Ginpaathag ni Aklan political analyst Atty. Harry Sucgang, minatuod man ukon bukon ro naging paeag ni Duterte, may kinamatarong ro pihak nga kampo nga pasakaan imaw it kaso bangud nga bukon it hangae ro anang mga ginbuhian nga pamisaea kontra sa pamilya ni Pangueong Ferdinand Marcos Jr.
Sa pihak kara, may kinamatarong man si VP Sara nga depensahan ro anang kaugalingon sa korte rason nga sa ginpaguwang pahayag it legal counsel it Bise Presidente nga si Atty. Paul Lawrence Lim, gin-insister nana nga uwa it anumang intensyon si Duterte nga magpaeagyo ukon maglikaw sa proseso it laye sa pihak it mga isyu angot sa hurisdiksyon it korte.
Nasayuran nga nagguwa ro bag-ong isyu sa tunga it nagapadayon nga impeachment trial kontra sa bise presidente.
Ro trial sa impeachment court hay una eon sa ika-21 diyas ko adlaw it Miyerkules, kon sa siin ginsalang nga testigo si dating DepEd Usec. Michael Poa nga sambilog man sa mga abogado ni Duterte.
