Sangka university professor sa India ro nakalista it bag-ong Guinness World Record matapos imaw nga makahuman it kanta nga naga abot sa limang adlaw ro haba!
Ginkumpirma kan-o eamang it Guinness nga ro Banaras Hindu University professor nga si Jagadeesh Pillai ro pinakabag-ong world record holder it titulong “Longest Officially Released Song”.
Raya hay matapos makabilog imaw it kanta nga may habang 138 hours 41 minutes and 20 seconds.
Ro lyrics kara hay halin sa 16th century epic nga “Shri Ramcharitmanas” nga may 11,000 verses
Ko 2019 gin umpisahan ni Pillai ro nasambit nga proyekto apang bangud sa COVID-19 pandemic, inabot imaw it ap-at nga dag-on antes nga ma-record ro tanan nga 11,000 verses it kanta.
Bukon it raya ro unang Guinness World Record title ni Pillai.
Ro mga nauna nana nga Guinness hay “Longest Line of Postcard”, “Largest Poster Awareness Campaign” ag “Yoga Mass Awareness”.
