Kalibo Aklan ——Kabilugan eon nga 133 nga mga Local Government Units (LGU) sa Western Visayas ro nakakompleto nga nakapanupod it Social Amelioration Program Emergency Subsidy Assistance.
Suno kay May Castillo, Public Information Officer it Department of Social Welfare and Development (DSWD) Region 6 nga haeos patapos eon ro iba pang mga LGU’s sa distribution it 6,000 pesos nga emergency subsidy sa andang mga target family beneficiaries.
Ginpahayag dugang nga gin-umpisahan eon man nanda ro payout para sa Pantawid Pamilyang Pilipino Program (4Ps) beneficiaries nga owa it cash cards.
Ro kada beneficiaries hay nakabaton it kapin sa P4,650 pesos bilang top-up para sa monthly nga P600 pesos nga rice subsidy ag P750 pesos nga PhilHealth grant agud nga makompleto ro andang P6,000 pesos nga SAP emergency subsidy.
Samtang, ro 4P’s beneficiaries suno kana nga may cash cards hay nabaton eon ro andang top-up subsidy assistance ko nagtaliwan pa nga Abril 3.
Sa pihak nga parte, ginpadumdum it DSWD ro mga beneficiaries ag natungdan nga mga LGU’s nga pirmeng iprayoridad ag indi pagbalewalaon ro health ag safety pinaagi sa hugut nga pagsunod sa safety measures it Department of Health sa pagpatigayon it payout.
Sa pihak nga parte, gin-engganyo ni Castillo ro mga may reklamo nga magtawag anuman nga oras sa andang hotline para insigidang maaksyunan.
