KALIBO, Aklan — Kasunod it hugut nga pagbantay it Office of the Provincial Veterinary (OPVET) ag Bureau of Animal Industry kontra sa pagsueod it African Swine Fever (ASF) virus sa probinsiya, haeos daywang tonelada it processed meat ag livestock ukon kasapatan ro ginbaeabagan sa checkpoint sa tanan nga entry point sa Aklan.
Raya hay ginaeakipan it Nabas, Altavas, Buruanga ag Caticlan jetty port umpisa ko Setyembre 2 hasta 8, 2019.
Suno kay Dr. Joseph Lachica it OPVET-Aklan nga raya hay kasunod it kumpirmasyon it Department of Agriculture nga nakasueod eon sa nasyon ro ASF virus.
Ro mga na-apprehend suno kana nga kasapatan nga owa it nagakaigo nga dokumento hay insigidang ginapabalik sa ginhalinan ukon point of origin samtang ro mga processed meat products hay ginasunog ag gina-eubong sa sanitary landfill. Tuyo kara nga indi makasueod sa probinsiya ro ASF virus agud nga indi maka-apekto sa livestock industry ag pangabuhian it mga pumueuyu
