KALIBO, Aklan—Kapin sa 8.7 percent ukon katumbas it 8.2 hasta 11 million it populasyon sa bilog nga Pilipinas ro may sakit nga hapo ukon asthma.
Samtang, nagguwa man sa pinakaulihing datos nga kapin sa 339 million ro mga indibidwal nga may hapo sa bilog nga kalibutan.
Samtang sa Amerika may una man ngakapin sa 25,000 kung sa siin kaabuan kara hay mga unga ag mga babaye.
Nadiskubrehan nga 98 porsiyento sa mga raya ro kueang sa nagakaigo nga pagbueong.
Suno kay Dr. Glenford Refre, Fellow, College of Physicians nga ro hapo ukon asthma hay sangka klase it pabalik-balik nga sakit sa respiratory system nga nakakaapekto sa gina-agihan it hangin paadto ag pagguwa sa baga.
Ro nasambitan man nga kondisyon hay mas nga naga-grabe kung may mga bagay nga nagaresulta it paggutok it gina-agihan it hangin.
Ro pila sa mga raya hay puweding stress, mga hingko sa plibot, pagpanigarilyo, ukon may mga allergy.
Pila sa mga sintomas it sakit hay ro paggutok it dughan, nalisdan nga magginhawa, pag-ubo, ag nagatunog nga pagginhawa.
Ginabueong ro hapo pamaagi sa mga inhaler, nebulizer, ukon ro nagkaeain eain nga klase it bueong nga ginaturok ukon gina-inom.
