KALIBO, Aklan—Kapin sa 80 ka mga stall holders ro ginaeauman nga maga-okupa sa flea market nga pagabuksan it lokal nga gobyerno it Kalibo sa may Veterans Avenue para sa paaeabuton nga kapyestahan ni Sr. Sto. Niño De Kalibo.
Suno kay Municipal Economic Enterprise Development Office (MEEDO)-Kalibo head Engr. Jessie Fegarido, ro nasambitang numero hay katunga eamang kon ikumpara ko nagtaliwan nga dag-on nga umabot sa 200 vendors ro nag-okupa sa plea market.
Ginpaathag nga maisot ro lugar nga gintaeana sa mga negosyante sa nagahilapit nga Kalibo Ati-atihan Festival 2020.
Bangud kara, ginaeauman eon it andang taeatapan nga inde makagenerate it milyon nga income ro lokal nga gobyerno sa kabilugan it selebrasyon.
Samtang, ro nakikita sa makaron nga pwesto sa nasambitang lugar hay ro ginatawag nga December bazaar kon sa siin hasta eon lang sanda sa katapusan it buean kon sa siin kapin sa P5,000 pesos ro renta it kada pwesto.
