Naga-abot sa kapin sa P41 milyon ro kabilugan nga kahalitan nga gin-aywan it bagyong Kristine sa probinsiya it Aklan.
Sa final damage assessment report it Provincial Disaster Risk Reduction and Management Council ukon PDRRMC Aklan, nakalista it mabahoe nga kahalitan sa agrikultura , imprastraktura , propiyedad ag iba pa.
Nag-abot sa masobra sa P25 milyon ro kantidad it kahalitan sa mga agrikultura .
Pinaka-grabeng naapektuhan ro banwa it New Washington nga nakalista it kapin sa P6.6 milyon .
Mag-eowas kara, kapin sa P15 milyon ro naging kahalitan sa imprastraktura kun sa siin kapin sa P875,000 ro nagkaeasamad nga public utilities.
Sa pihak nga parte, nag abot man sa 1,261 nga kabaeayan ro partially damaged ag 67 ro totally damaged.
Kapin sa 52,562 naapektuhan nga indibidwal ukon katumbas it 12,810 nga pamilya.
