BALITA Espesyal– Uman nga ginbalik ro World Snail Racing Championship sa England ag raya hay nakahimo it Guinness World Record bilang ‘longest running humane snail-racing world championships.
Ginbalik ro karera sa Congham, England, pagkatapos nga masuspinde ko 2020 bangud sa COVID-19 pandemic.
Ro event hay gintukod ni Tom Elwes ko 1960s matapos nga makatambong sa snail racing event sa France.
Required sa mga gustong magpasakop ro pagdaea it andang kaugalingon nga ko-oe.
Kon owa man sanda it alagang ko-oe hay pwede sanda nga magbakae it ko-oe sa mga organizers it karera.
Ginabutang ro mga nagapasakop nga ko-oe sa sangka basang tela nga may mga nakaguhit nga bilog.
Igadeklara nga daog ro ko-oe nga unang maka-abot sa guwa it bilog.
Ro top prize sa karera hay ro sangkaterbang lettuce.
