-- ADVERTISEMENT --
Nakasueod eon sa finals it horizontal bar ro batang gymnast nga si Karl Eldrew Yulo sa ginpatigayon nga FIG Artistic Gymnastics World Cup sa Croatia.
Nabo-oe ni Yulo ro puwesto matapos umiskor it 13.733 points, nga nagbutangt kana sa ika-pitong pwesto sa qualification round it nasambit nga apparatus ko Biyernes.
Raya eon ro ikaywang kahigayunan nga nakasueod imaw sa finals sa Croatia leg, matapos man nga makasueod sa floor exercise finals.
Nakataeanang pagahiwaton ro floor exercise finals makaron nga Sabado, samtang pagahiwaton man ro horizontal bar finals sa Domingo.
-- ADVERTISEMENT --
Padayun nga nagasaka ro performance ni Yulo sa international stage, nga nagatau it dungog sa Pilipinas sa patag it gymnastics.
