KALIBO, Aklan — Patay eon kat maka-abot sa provincial hospital ro sangka karpintero matapos nga mahueog halin sa scaffolding ukon daeana it ginatrabahuhan nga construction site sa Brgy. Malogo New Washington .
Nakilaea ro biktima nga si Rolly Brillantes, 43 anyos ag residente it nasambit nga lugar .
Sa interview it Bombo Radyo, emosyunal nga ginsaysay it misis it biktima nga si Shirley Brillantes nga nauna eon nga naghambae kana ro anang mister nga maeain ro anang pamatyag bangud nga owa haeos imaw it tueog, apang bangud nga ginadali-an ro baeay nga andang gina-obra hay nagsueod raya sa trabaho.
Ginapatihan nga nakatapak imaw sa gabok nga daeana rason it anang pagkahueog nga ginasugid nga tumama ro anang ueo sa kabilya kabangdanan it anang hinali nga kamatayon.
