KALIBO, Aklan—Nag-abot eon sa 10,854 ro kabilugan nga kaso it Coronavirus Disease 2019 ukon COVID-19 sa bilog nga probinsya it Aklan umpisa nga magtuhaw ro pandemya.
Ginklaro it Aklan Provincial Epidemiology and Surveilance Unit (PESU) nga halin sa 118 nga swab sample nga ginpatigayun ko Agosto 16, 34 sa mga raya ro positibo samtang 84 ro nag-negatibo sa deadly virus kun siin nagresulta raya it 28% nga positivity rate it probinsya.
Sa nasambit nga numero, 19 ro nadugang nga kaso sa banwa it Kalibo, ap-at sa Balete, tig daywang kaso sa Banga, Libacao ag Numancia samtang tig sambilog sa Ibajay, Lezo ag New Washington.
Sa pihak kara, sumaka pa sa 9,322 ro mga nagmayad matapos ro pagbueong ag quarantine procedure.
Samtang, nag-abot eon sa 262 ro numero it mga namatay matapos dapuan it COVID-19 infection.
Sa makaron, 1,270 pa ro nabilin nga aktibong kaso nga ginakaeakipan it 699 nga naka-facility quarantine, 448 nga naka-home quarantine ag 123 nga admitted sa COVID ward it Aklan Provincial Hospital.
