KALIBO, Aklan–Uman nga nadugangan it daywang panibag-ong kaso it Covid-19 ro listahan it Aklan Provincial Surveillance Unit it Provincial Health Office.
Base sa datos it ahensya, kapin sa 469 eon ro kabilugang kaso it deadly virus sa probinsya bangud sa daywang nagdugang nga ginakaeakipan it sang dag-on nga ongang eaeaki ag sangka 35-anyos nga babaye nga puro taga banwa it Banga.
Mag-eowas kara, nadugangan man it siyam nga indibidwal ro listahan it mga nagmayad halin sa nasambit nga sakit rason nga ro total recoveries hay nagaabot eon sa 384.
Samtang, nagapabilin sa 16 ro nailistang namatay bangud sa deadly virus.
Sa makaron, may 69 pang aktibong kaso it Covid-19 sa Aklan.
Sa nasambit nga numero, 63 ro presenteng una sa facility quarantine samtang an-om man ro naka-admit sa Aklan provincial hospital para sa close monitoring ag pagbueong.
