KALIBO, Aklan—Padayon nga naganaba ro kaso it covid-19 sa bilog nga probinsya it Aklan.
Raya hay matapos nga 15 eamang ro nailista it Aklan Provincial Epidemiology Surveillance Unit it Provincial Health Office halin sa 51 ka mga swab sample nga andang gintest.
Sa nasambit nga numero, tig-sambilog maghalin sa banwa it Batan, Buruanga, Ibajay, Malinao ag Tangalan; tig ap-at sa Kalibo ag New Washington kamana man daywa sa Malay.
Bangud kara, nagaabot eon sa 12,135 ro kaso it deadly virus sa probinsya.
Samtang, humampak eon man sa 11,459 ro mga total recoveries matapos nga nadugangan raya it 34 nga panibag-ong nagmayad halin sa virus.
Sa makaron hay 367 pa ro aktibong kaso nga ginakaeakipan it 228 nga presenteng una sa facility quarantine, 95 nga naka-home quarantine ag 44 ro admitted.
Samtang, naglobo man sa 309 ro death toll sa Aklan bangud sa pandemya.
