KALIBO, Aklan–Padayon nga nagatinaas ro kaso it COVID-19 sa nasyon it England tuga it Omicron sub-variant.
Base sa datos it UK health security agency nga nag-abot eon sa kabilugan nga 1.7 million ro kasi it nasambit nga virus nga kung siin katunga kara hay tuga it omicron.
Suno kay Bombo International Correspondent Ramil Isogon it England apisar sa padayon nga nagatinaas ro nemuro it mga apektado it nasambit nga virus owa sigon raya ginakabaeak-an it mga otoridad sa UK bangud sa mataas nga porsyento it bakunahan sa nasyon.
Sa pihak kara haeuga sigon ro mga COVID restrictions sa UK kung siin owa eon ginapatuman ro pagsuksok it facemask kamana man ro social distancing.
Kapin man sa 68% porsyento eon man ro napatigayon nga mabakunahan it booster rason nga kampante ro gobyerno it nasambit nga nasyon ag makabig eamang nga mild symptoms ukon simpleng eagnat eamang.
