Kalibo, Aklan-Padayun ro pagtaas it mga kaso it dengue sa probinsiya it Aklan matapos nga makalista ro Provincial Health Office (PHO) it 1,320 nga kaso umpisa Enero 1 hasta Agosto 3, 2024.
Sa datos nga ginpaguwa it PHO-Aklan, mas mataas ro nasambit nga numero it 94% kumpara sa mga nai-record nga kaso sa kaparehong period ko 2023 nga kapin sa 679 eamang.
Mag-eowas kara, nakaangkon man it kaso ro tanan nga 17 nga banwa sa probinsiya. Pinakamaabung nai-record nga kaso it dengue sa banwa it Malay nga may 239 nga kaso ukon 1,738% nga pagtaas, kasunod ro kalibo nga may 217 nga kaso ukon 45% nga increase ag ikatlo ro Nabas nga may 105 ukon 64%.
Umpisa ko hulyo 28 hasta Agosto 3, kapin sa 177 ro bag-ong kaso it dengue nga nailista. Sa bilog nga Aklan, nakalista eon it sambilog nga namatay sa sakit nga ginasugid nga sangka senior citizen.
