KALIBO, Aklan — Nag-abot eon sa 2,540 ro kaso it dengue sa probinsiya it Aklan umpisa Enero hasta Hulyo 13 it makaron nga dag-on base sa datus it Provincial Health Office ukon PHO-Aklan.
Suno kay Dr. Cornelio Cuatchon it PHO-Aklan nga madasig makaron ro pagtaas it kaso kumpara sa kaparehong period ko 2018 .
Sa makaron suno kana hay naga-average sa 369 it kaso kada domingo kumpara sa tig-200 nga kaso kada buean ko nagtaliwan nga dag-on.
Mag-eowas kara, nagapabilin ro numero it mga namatay bangud sa dengue ag mga kumplikasyon nga daea kara nga umabot eon sa 15 .
Ko nagtaliwan nga adlaw hay sangka 10 buean nga eapsag halin sa Buruanga ro namatay bangud sa sakit nga dengue samtang ginabueong sa sangka ospital sa Roxas City, Capiz.
Nagapanguna gihapon sa may pinakamaabo nga kaso ro banwa it Kalibo nga may 575 nga kaso, ginasundan it Banga nga may 250, Balete nga may 235, New Washington nga may 209 ag Numancia nga may 187.
Raya hay nagtaas it 1,286 kun ikumpara sa ulihing datos nga ginpaguwa ko Enero hasta Hunyo 15, 2019.
