Nagaabot eon 4,030 ro nailistang kaso it dengue sa rehiyon it Western Visayas maghalin ko buean it Enero hasta it Hunyo.
Suno sa Department of Health Western Visayas Center for Health and Development, kon igakumpara raya sa kaparehong period ko dag-on 2023, nagtaas it 25% ro makaron makaron nga dag-on halin sa 3,213 eamang nga kaso ko nagtaliwan nga dag-on.
Sa nasambit nga numero, pinakamataas nga nailista hay ro numero maghalin sa probinsya it Iloilo nga may masobra sa 1,300 dengue cases.
Ginsundan raya it Negros Occidental nga may 630 nga kaso; Aklan nga nagaabot man sa 600 dengue case; Capiz nga una sa 500; Antique nga may 300; Iloilo City nga kapin sa 240; 230 dengue cases mat-a ro nailista sa Guimaras ag masobra sa 160 nga kaso ro may una sa Bacolod City.
Angot kara, uman nga nagpadumdom ro ahensya nga ugalion nga maging malimpyo sa palibot ag sundon ro panugyan it Department of Health agud nga makalikaw sa masakit kapin eon makaron nga tyempo it tag-uean.
