Sumirit ro kaso it dengue sa Western Visayas sa unang 6-buean it 2024, suno sa Department of Health (DOH).
Umpisa Enero 1 hasta Mayo 25 it makaron nga dag-on, nakalista ro rehiyon it 3,192 nga kaso ag waeo ro namatay bangud sa sakit nga daea it namok.
Raya hay nagapakita it 22 porsyento nga pagtaas it mga kaso apang nagnaba ro numero it mga namatay kumpara sa parehong tiempo ko 2023, nga may una nga 2,606 nga kaso ag 14 ro namatay.
Nailista sa probinsiya it Iloilo ro pinakamaabung insidente it dengue makaron nga dag-on nga may 1,018 nga kaso, ginsundan it Aklan nga may 508, Negros Occidental nga may 457, Capiz nga may 426, Antique nga may 241, Iloilo City nga may 222, Guimaras nga may 169 ag Bacolod City nga may 151.
Bangud kara, gin-engganyo it DOH ro mga residente sa lugar nga usuyon ag samaron ro ginapugaran it mga namok agud nga malikawan ro paglobo it dengue cases.
