Kalibo Aklan ——Pagataw-an it kahigayunan it Sangguniang Bayan it Kalibo si dating Kalibo Sr. Sto. Nino Ati-Atihan Management Council, Inc. (KASSAMACO) President Apolonio Zaraspe III nga magpaathag .
Raya hay kasunod it pagbasoe kana it festival organizer sa ulihi nga pagsumite it andang financial report.
Ginasugid nga nabudlayan ro KASSAMACO sa pag-usoy sa mga transactions nga ginsudlan ni Zaraspe rason nga owa eagi na-liquidate.
Owa sigon nakaangkon it nagakaigo nga turnover sa anang pag-resign ko Disyembre 2019.
Gindugang pa nga owa man sanda ginbuligan ni Zaraspe sa pag-trace sa nasambit nga mga transaksyon kamana man nga naabutan sanda it lockdown tuga it coronavirus disease (COVID-19) pandemic .
Madumduman nga naging kontrobersiyal ro KASSAMACO bangud sa atrasado nga pagsumite it financial report nga dapat hay ko Marso 20, 2020 ukon 60 diyas pagkatapos it Ati-atihan festival nga ginpatigayon ko Enero 10 hasta 19, 2020.
Ro financial report hay natigayon eamang nga naipasa ko Mayo 28, 2020.
Gindugang pa ni Tolentino nga sandig sa anang gindihon nga resolusyon, hasta sa Hulyo 27, 2020 ro anang gintaeana nga deadline sa festival organizer nga magsumite it andang opisyal nga resebo ag kopya it kontrata.
