KALIBO, AKLAN — Bilang kaparte it pagserbisyo sa banwa it Kapisanan ng mga Brodkaster ng Pilipinas (KBP)-Aklan chapter, nakibuylog ro mga miyembro kara sa dag-unang Brigada Eskwela nga proyekto it Department of Education (DepEd).
Ginkabuligan nga limpyuhan it mga miyembro it media nga kaparte it KBP kaibahan ro mga empleyado it Bombo Radyo ro mga kwarto sa eskwelahan it Tinigao Elementary School sa Kalibo, Aklan bilang pagpahaom sa nagahilapit nga pagbukas it klase sa Hunyo 5.
Mag-eowas kara, nagta-o man sanda it ap-at nga wall fan sa nasambitang eskwelahan.
Suno kay Mr. Alan Palma, Sr., KBP-Aklan president nga nagpatigayon sanda it Advocacy Run ko Abril agud mapondohan ro mga pagahimuong proyekto.
Raya sigon ro unang kahigayunan nga nakibuylog ro KBP-Aklan sa programa ngara it DepEd.
Samtang, mabahoe man ro pagpasaeamat it principal ag mga manugturo it nasambitang eskwelahan sa ginta-o nga serbisyo ag bulig it KBP.
