Ginklaro ni Committee on Good Government and Public Accountability Vice-Chairman ag Zambales Representative Jay Khonghun nga bukon it pag-atake maskin kanyo ro hearing it komite kundi pagtao it kaklarohan sa mga isyu nga nakaka-apekto sa pagdumaea it nasyon.
Ro pahayag ni Khonghun hay may kaangtanan sa naging pahayag ni Vice President Sara Duterte nga tuyo it hearing hay samaron ro anang imahe ag i-impeach imaw.
Ginhambae ni Khonghun ro pagpamalibad nga tumestigo sa idaeom it pagpanumpa hay sangka malinaw nga mensahe nga may una raya nga ginaiwasan.
Suno sa Kongresista kung uwa man it ginatago haman it indi raya magpanumpa, sa basic act of accountability nga dapat tanan it opisyal it gobyerno hay magapangidaeom sasailalim.
Ginpunto ni Khonghun nga ro pagpanumpa hay bukon eamang it sangka legal nga formality kundi raya hay pamatood sa commitment it pagiging matood. Ro pagpamalibad kara hay nagapahina sa pagsalig it publiko.
