Kalibo Aklan ——-Preparado eun makarun ro Kalibo International Airport sa ginaeauman nga pagtaas it numero it mga travelers nga maga-uli sa probinsya it Aklan.
Raya hay matapos nga haeugaan eun it Provincial Inter-agency task force ro mga pagsinueondan agud nga makauli sa probinsya ro mga Locally Stranded Individual ukon makarun hay ginatawag nga travelers.
Suno kay Civil Avaition Authority of the Philippines (CAAP-Aklan) Manager Engr. Eusebio Monserate Jr. nga naka-eatag eun ro andang mga pagsinueondan agud masiguro nga nasusunod sa gihapon ro minimun health protocol sa paeuparan maskin nga magbuhos ro mga pasahero.
Dugang pa kara nga haom eun man ro andang Isolation area para sa mga makitaan it sintomas it COVID-19.
Samtang, gineaygayan man kara ro mga travelers nga makipag-coordinate anay sa mga airline companies antes ro pagbyahe agud nga malikawan ro ano man nga klase it aberya.
