KALIBO, Aklan — Arestado ro sangka no. 2 most wanted person sa bilog nga Western Visayas sa kasong carnapping sa ginkasa nga operasyon it mga operatiba it Highway Pa-trol Group sa sueod it andang baeay sa Barangay Andagao, Kalibo, Aklan.
Ginkilaea ro mga akusado nga si Silver Tupaz Villariza, 56, residente it nasambit nga lugar.
Base sa report, natigayon nga madakpan si Villariza sa nasambit nga lugar sa gahum it warrant of arrest nga gin-anunsyu it Kalibo Regional Trial Court.
Imaw hay nagapangatubang sa kasong pag-eabag sa Republic Act 6539 ukon Anti-Carnapping of 1972.
Nakatabaton sigon it impormasyon ro mga otoridad nga sa andang panimaeay ro akusado rason nga insigida nanda raya nga gin-adtunan ag gin-aresto.
Kapin sa P180,000 ro piyansang gintaeana it korte para sa anang temporaryo nga kahilwayan.
