KALIBO, Aklan — Nagapati si dating provincial board member ag political analyst sa Aklan nga si Atty. Harry Sucgang nga makaangkon it mabahoe nga gulo engkaso nga kumanta ro nadakpan nga si dismissed Bamban, Tarlac Mayor Alice Guo kon sin-o ro nagbulig kana agud nga makaguwa it Pilipinas.
Raya hay sa pihak it patong-patong nga kaso nga anang ginapangatubang kaibahan eon ro human trafficking nga non-bailable.
Posible pa gid suno kana nga madugangan ro tensyon sa nasyon eabi eon sa parte it Mindanao sa oras nga madakpan man ro sambilog pang wanted nga si Pastor Apollo Quiboloy it Kingdom of Jesus Christ.
Raya hay sa posibilidad nga ma-expose ro mga maimpluwensiyang tawo nga nagabulig sa daywang wanted.
May ikasarang sigon sanda nga mag-finance it people power nga magahakot it mga tawo nga magaprotesta gamit ro andang kwarta.
Gina-abangan man sigon ro nakataeana nga uman nga pagpasaka it kaso it Pilipinas kontra sa China bangud sa padayun nga pagpang-bully it Chinese Coast Guard sa mga barko it Philippine Coast Guard ag Philippine Navy sa West Philippine Sea.
