Masadyang gin-anunsyo it aktres ag content creator nga si Kiray Celis ag it anang asawang si Stephan Estopia nga eaeaki ro andang magiging unang unga.
Ginpakigbahin it manghod ni Kiray nga si Jhopay Celis ro pilang eksena halin sa intimate gender reveal party nga gintambungan it andang pamilya ag mga maeapit nga abyan.
Makit-an sa video ro masadyang reaksyon it mag-asawa matapos gumuwa ro kulay blue nga aso nga hudyat nga baby boy ro andang gina-expect nga kasarian it andang unga.
Madumdumang ku Abril, gin-anunsyo man it mag-asawa nga sanda hay nabdys sa andang unang unga sa paagi it sangka emosyonal nga video.
Kaibahan man sa mga napiling ninong ag ninang it andang unga ro pilang personalidad kapareho nanday Xyriel Manabat, Julia Montes, Yen Santos, Arci Muñoz, Angeline Quinto, Ryan Bang, Miles Ocampo, ag Enchong Dee.
Ginkasae sanday Kiray ag Stephan ku Disyembre 2025.
