KALIBO, Aklan—Nag-umpisa eon ro pagbukas it klase sa tanan nga campus it Aklan State University (ASU) para sa Academic Year 2020-2021 ko adlaw it Lunes, Agosto 24, 2020.
Suno kay Dr. Emily Arangote, presisente it Aklan State University, nag-umpisa eon sa pagpanupod it mga online modules ro andang mga manugturo para sa mga estudyante it eskwelahan.
Nagtao man it enrollment extension hasta it Agosto 28 ro eskwelahan para taw-an it kahigayunan ro mga estudayante nga owa pa naka-enroll.
Ginpahayag dugang nga bukon it pareho ro daeagan it pagbukas it klase it mga campus it ASU bangud may una sigon nga campus nga haeos 99% eon ro naka-enroll kung siin nagpanagtag eon it mga module, may una man sigon nga gintutukan ro late registration, ag padayun sa enrollment.
Ginklaro man ni Dr. Arangote nga owa ginpasugtan it andang eskwelahan ro face-to-face classes sandig sa mando it Department of Education agud malikawan ro posibleng pagkalhit it pandemic nga COVID-19.
Dugang pa kara nga online mode of learning ro andang ginapatigayun.
