NATIONAL News — Nagapanawagan ro labor groups sa House of Representatives ag sa Senado nga magbueuligan agud nga maipasa eon ro legislated wage hike ukon pagpasaka sa sweldo it mga trabahador.
Suno kay Federation of Free Workers president Sonny Matula, ginaduso it andang grupo sa House committee on labor and employment nga aprubahan ro P150 wage hike nga gina-propose it Trade Union Congress of the Philippines.
Pahayag ni Matula, nga sa kamatuoran ro nasambit nga hagna hay magatau it dugang nga sweldo para sa mga trabahador sa bilog nga nasyon ag solusyunan ro discriminatory regional wage scheme nga ginasunod umpisa pa ko dag-on 1989.
Suno kay Matula, suportado it 100 nga mga kongresista ro nasambit nga hagna.
Gindugang pa it opisyal nga pwedeng kumbinsihon ni Senate President Francis Escudero si Speaker Martin Romualdez angot sa merito it Senate bill nga nag-apruba eon it P100 nga pagpataas sa kada adlaw nga sweldo ko February 2024.
Nasayuran nga ginpamalibaran it mga employers ro legislated wage hike ag nagpaandam it posible nga pagkaduea it trabaho ag pagsarado it mga negosyo.
Ginapuna it trade groups ro bukon it patas nga pagpasweldo sa mga trabahador sa Pilipinas sa pihak it mga pahayag nga may mabahoe raya nga progreso sa pagbawas it kapobrehon sa nasyon.
