KALIBO, Aklan — Nasapwan nga patay ro sangka eaeaking Koreano sa sueod it kwarto it sangka resort sa isla it Boracay.
Nakilaea ro owa eon it kabuhi nga turista nga si Do Youngki, 34 anyos.
Suno sa pamilya it biktima, nangawa sanda kon ham-an nga owa pa raya nagaguwa sa anang kwarto matapos nga magpahuway bangud sa diarrhea.
Kat buksan ro kwarto, nakita nanda nga nagahamyangon ro eawas it Koreano nga owa eon it kabuhi.
Insigidang nagpangayo it bulig ro mga kaibahan kara sa tawuhan it resort agud nga madaea sa sangka klinika, apang patay eon kat maka-abot .
Nagatuhaw sa pag-usisa it doctor nga inatake ro dumueuong it cardio-pulmonary arrest.
Ginasugid nga pagkatapos nga magpatigayon it island hopping hay nagkaon ro Koreano it aligi it alimango ag sugpo nga ginapatihan nga rason it pag-eain it anang pamatyag.
