KALIBO, Aklan—Nagbanggaan ro sangka kotse ag sangka elf truck sa national highway nga sakop it Barangay Linabuan Norte, Kalibo, Aklan.
Nakilaea ro driver it kotse nga si Harley Dela Cruz, 41-anyos ag residente it Barangay Libas, Banga samtang ro driver it elf truck hay si Arjhon Parojinog, 26-anyos it Poblacion, Kalibo.
Sa mayad nga swerte hay owa nag-agum it grabeng lastro ro daywang driver nga kon sa siin matapos nga mataw-an it paunang medikasyon sa sangka pribadong ospital hay gin-refer sa out patient department.
Suno kay Police Staff Sgt. Jomar Ortega it Kalibo Police Station, nakatueugan sigon ro driver it kotse rason nga inagaw ro pihak nga linya it karsada nga nagresulta sa pagbungguan.
Nakataeana man nga maga-istorya ro magtimbang nga parte agud nga maayos ro insidente.
