BALITANG ESPESYAL – Sangka professional stunt driver ro nakalista it record matapos imaw mag-bungee jump sakay it sangka kotse!
Ginkumpirma it records keeping organization nga Guinness World Records nga si Laurent Lasko ro pinakabag-ong record holder it titueong “Highest Car Bungee Jump”.
Raya hay matapos imaw mag-bungee jump sakay it sangka sports utility vehicle halin sa sangka crane nga may taas nga 213 feet.
Natabo ro record breaking attempt ni Lasko sa sangka business district sa Puteaux area sa Paris, France.
Suno sa nag-organisa it record breaking attempt, ro ginamit nga bungee cord para kara hay himo sa waeong matibay nga cord para makasigurado nga safe ro pag-eumpat kara.
Matapos ro madinaeag-on nga bungee jumping, insigida nga ginpremyuhan it certificate si Lasko it Guinness adjudicator.
Mag-euwas sa pagiging stunt driver, si Lasko hay sambilog man nga professional car racer.
