Ginpamalibaran ni Aklan Board Member Nemesio Neron nga may kumpirmadong kaso it African Swine Fever ukon ASF virus sa bahin it Brgy. Sigcay sa banwa it Banga.
Raya hay matapos nga may magguwang impormasyon nga may kumpirmadong kaso it ASF virus sa nasambit nga lugar.
Ginasugid nga nagpositibo sa ginpatigayon nga rapid test it Department of Agriculture ro mga alagang baboy ni Joey Filomeno nga residente it Brgy. Sigcay,Banga.
Apang ginklaro ni Board Neron nga bukon it taga Brgy. Sigcay si Filomeno apang residente raya it Brgy. Agbanawan,Banga ag sangka butcher.
Suno kana nga ro saeang impormasyon nga nagakalhit makaron hay naga tuga it grabeng pagka-alarma sa mga residente it Brgy. Sigcay eabi eon gid sa mga hog raisers.
Samtang, nagapadayon man ro ginpatigayon nga imbestigasyon it mga natungdan angot sa resulta it nasambit nga rapid test.
Sa makaron, nagapabilin ro hugot nga pagpatuman it LGU-Banga sa mga border checkpoint para malikawan ro pagkalhit it nasambit nga virus sa mga kaeapit nga barangay.
