KALIBO, Aklan—Nagapadayun ro contact tracing it Aklan provincial hospital agud nga matumod ro mga indibidwal nga posibleng nakasalamuha it 7 nga hospital staff nga na-infect it coronavirus disease ukon Covid 19.
Suno kay Aklan Governor Florencio Miraflores nga sa mayad nga swerte hay may molecular laboratory eon ro Aklan rason nga madali nga masayuran ag matumod ro mga nag positibo sa sakit.
Buena Mano sigon nga ginpaidaeum sa test sa nasambit nga laboratoryo hay ro swab specimen it encoder nga taga Brgy. Bakhaw Norte, Kalibo nga nauna eon nga nakabatyag it sintomas it sakit, kun sa siin ko ulihi natukiban nga covid positive imaw.
Ro masubo suno sa gobernador nga maskin nakabatyag eon it sintomas ro nasambit nga laboratory encoder hay nagsueod pa raya sa trabaho rason nga natapnan nana ro 6 nga iba pang kaibahan nga makaron hay naka isolate sa Aklan training center.
Sa pihak kara, padayun ro trabaho ag pag overtime it andang medical technologists agud nga maagapan ro insidente.
