-- ADVERTISEMENT --
Magbabalik sa Pilipinas ang LANY ngayong Nobyembre para sa serye ng konsiyerto bilang bahagi ng kanilang “soft” world tour.
Inanunsyo ito ng Live Nation Philippines noong Marso 17. Nakatakdang magtanghal ang banda sa Cebu sa Nobyembre 6, susundan sa Philippine Arena sa Nobyembre 8, at magtatapos sa Davao sa Nobyembre 14.
Kasama rin sa itinaguyod na tour ng banda ang iba pang mga lungsod sa Asia at Australia. Huling nagtanghal ang LANY sa bansa noong Oktubre 2024 sa Philippine Arena sa Bulacan bilang bahagi ng “A Beautiful Blur” tour, kung saan nagkaroon din sila ng tatlong palabas sa Cebu.
