SPORTS News– Gin-anunsyo ni Lebron James nga magahampang pa imaw it dugang nga sang dag-on sa Los Angeles Lakers.
Ginhimo it NBA star ro nasambit nga pahayag, matapos nana nga batunon ro record-breaking performance award bangud sa pagiging leading scorer sa bug-os nga kasaysayan it National Basketball Association.
Madumduman nga una eon nana nga ginpahayag nga ginapag-isipan ro pag-retiro halin sa basketball antes matapos ro nagtaliwan nga season.
Suno kay Lebron, ginpangutana nana ro anang kaugalingon kun masarangan pa kara nga ipadayun ro paghampang ag kun may una pa imaw nga mai-amot sa patag it hinampang.
Si Lebron hay ginakilaeang hari it NBA, bangud sa anang performance halin kat makasueod raya sa liga.
Sa makaron, buyot nana ro record nga pinakamaabu nga puntos sa bilog nga NBA nga 38,652 points.
