Boluntaryong owa ginabo-oe ni Sen. Loren Legarda ro anang suweldo umpisa kat mag-leave imaw bangud sa baeatian ko Agosto 3, suno kay Senate President Sherwin Gatchalian.
Suno kay Gatchalian, naga-file it medical leave si Legarda kada Lunes hasta Miyerkules kada domingo ag owa kara ginabo-oe ro anang sweldo.
Ginpahayag man ni Gatchalian nga kaibahan sa mga boluntaryong owa nagabo-oe it suweldo hay ro pilang detained senators ag senators-at-large.
Ro mga owa nabo-oe nga suweldo hay pagakabigon nga savings it Senado ag pwede sigon nga gamiton para sa iba pang kinahangeanon.
Owa man ginpakigbahin ni Gatchalian ro kondisyon ni Legarda bangud nga personal sigon raya nga isyu. Sa pihak kara, ginpahayag nana nga dapat nga seryosohon ro makarondaya nga mga sakit.
Mag-eowas kay Legarda, owa man nagatambong sa Senado sanday Sen. Jinggoy Estrada ag Sen. Rodante Marcoleta nga nagapangatubang sa mga kasong plunder, ag si Sen. Ronald “Bato” dela Rosa nga at-large sa anang nagapangatubang nga kasong crimes against humanity sa International Criminal Court.
Samtang, nagpaidaeum si Estrada sa X-ray sa tuhod matapos makaangkon it meniscus tear.
