Kadungan it anang pagdihon it kandidatura sa pagka-mayor sa Naga City, ginklaro ni dating Vice President Ma. Leonor “Leni” Robredo nga indi eon imaw magdaeagan it uman bilang Pangueo it nasyon sa 2028 national elections.
Sa sangka interview, ginhambae ni Robredo nga kung magdaog raya bilang mayor it Naga City, indi nana raya paggamiton nga “jumpoff point” sa pagdaeagan sa 2028.
Nagdangod si Robredo sa Comelec-Naga City Office nga ginaibhan ni election lawyer Atty. Romeo Macalintal, ag bilog nga line up kara agod nga magdihon it anang certificate of candidacy sa pagka-alkalde it nasambit nga syudad sa idaeom it Liberal Party nga binaton ni Comelec officer Atty. Maico Julia, Jr.
Kaibahan man ni Robredo nga nagdihon it COC ro ka-tandem nga si Camarines Sur 3rd district Cong. Gabriel “Gabby” Bordado nsa patapos eon sa ulihi nga termino ag target man ro vice mayoral position sa Naga City.
Sa pihak it mga panawagan nga magdaeagan si Robredo sa mas mataas nga posisyon sa gobyerno sa 2025 mid-term election, pinili nana ro pagka-mayor it Naga City nga mabuhay nga ginbuytan it anang nagtaliwan nga asawa nga si dating DILG secretary Jessie R. Robredo ago sirbihan man ro anang mga kasimanwa.
