KALIBO, Aklan—Preparado eon ro lokal nga gobyerno it Altavas sa pagpanupod it relief goods sa mga pumueoyo it nasambitang banwa.
Suno kay Altavas Mayor Denny Refol, makaron nga dominggo hay maka-umpisa eon sanda it pagpanupod it mga food packs sa 7,000 households it 14 ka barangay nga nasakupan it banwa.
Ro LGU hay magapanupod it tatlong beses agud nga masustentuhan ro pilang adlaw nga quarantine period it mga pumueoyo kon sa siin nadueaan ro kabaeanan kanda it trabaho ag inde man kaguwa agud nga matrabaho.
Una kara, nagpurchase sanda it 2,100 bags of rice ukon katumbas it 102,000 kilos it bugas, kape, canned goods ag asukar.
Ro relief goods suno kana hay uwa it ginapili mapa- manggaranon ukon pobre man apang ginklaro kara nga unahon it taw-an ro pinakakubos nanda nga pumueoyo.
Ginpahayag dugang nga inde magkabaeaka ro tanan bangud may nakataeanang food packs sa kada household.
Ginhinyo man ni Mayor Refol sa anang mga nasakupan nga sundon ro ginapatuman nga polisiya it gobyerno agud nga malikawan ro COVID-19.
