KALIBO, Aklan–Nagaeaum ro Municipal Treasurer’s Office it LGU-Kalibo nga maabot eon nanda ro andang target nga koleksyon it buwis makaron nga 2022.
Suno kay Municipal Treasurer Rey Villaruel nga amat-amat eon nga nagataas ro andang koleksyon matapos ro haeos daywang dag-on nga pagbagsak kara tuga it COVID-19 pandemic.
Sa makaron hay eampas eon sigon sa 50 porsiyento ro andang local collection.
Nataeupangdan suno kana nga maabu eon nga mga negosyo ro nagbukas rason nga uman nga pagbaskog it ekonomiya.
Sa pihak nga parte, bangud nga agresibo nga mapataas ro andang koleksyon makaron nga dag-on, ginpahayag ni Villaruel nga nagalibot ro andang team kaibahan ro land tax division ag iba pang taeatapan it munisipyo agud nga magpadumdum sa mga taxpayers it andang obligasyon.
Naga-distribute sigon sanda it notice of delinquency agud nga makolekta ro mga buwis sa eugta ukon real property tax nga owa nabayaran ko nagtaliwan nga mga dinag-on.
Sa masunod nga domingo suno kana hay maga-umpisa man ro andang business group para sa matumod ro mga negosyo nga owa pa it permit ukon naka-renew it business permit.
Nataeupangdan sigon nanda partikular it business permit and licensing division nga nag-abu makaron ro mga businessestablishments nga nagbukas.
Ro andang tuyo sigon hay bukon it pagsita kundi nga makabulig nga makompleto ro andang mga requirements sa pagbo-oe it business permit.
