Kalibo Aklan —– Naga-ugyon ro lokal nga gobyerno it Kalibo sa desisyon it Inter Agency Task Force on Emerging Infectious Diseases ag Governor Florencio Miraflores nga ibutang eon sa General Community Quarantine ro probinsya it Aklan.
Suno kay Executive Assistant Basil Tabernilla it LGU-Kalibo nga sa idaeum it GCQ, ginpasugtan eon ro transportasyon, apang limitado gihapon sa 50 % ro seating capacity it mga sakay kara agud nga mapatuman ro social distancing.
Pagapasugtan man ro operasyon it mga malls apang ro pagapasugtan nga magbukas nga mga stores hay nagabaligya it mga essential goods and services.
Mandatory man ro pagsuksok it face mask ag pagbitbit it quarantine pass maskin siin mag-agto.
Magapabilin suno kana ro curfew ag liquor ban agud nga limitahan ro aktibidad it mga tawo .
Dapat eon sigon nga sanayon it mga pumueuyu ro andang mga kaugalingon sa ginatawag nga “new normal”.
Mas mayad man suno kana kon makaangkon man it mass testing sa Aklan makaron nga ginbalik eon ro probinsiya sa GCQ .
